Молитвенное обращение
Святая Троица, Бог Отец, Бог Сын, Бог Святой Дух! Придите мне в помощь. Господи, Ты создал Небо и землю, всякую живую *, Ты вдохнул в человека душу и дал ему разум. Приди в помощь рабу Божьему (имя) (или младенцу, отроку) и открой умственные и речевые створы.
Матушка Заступница, Прибавление ума! Приди в помощь рабу Божьему (имя) (или младенцу, отроку) и открой умственные и речевые створы.
Собор Архангела Михаила! Приди в помощь рабу Божьему (имя) (или младенцу, отроку) и открой умственные и речевые створы.
Первоверховные апостолы Петр и Павел! Придите в помощь рабу Божьему (имя) (или младенцу, отроку) и откройте умственные и речевые створы.
*
Молитвенный свод обряда
1. Молитва Пресвятой Троице – 1 раз.
2. Молитва Пресвятой Богородице «Прибавление ума» - 1 раз.
3. Молитва Архангелу Михаилу – 1 раз.
4. Молитва первоверховным апостолам Петру и Павлу – 1 раз.
*
Молитва Пресвятой Троице
*
Пресвятая Троице, единосущная державо, всех благих вина! Что воздадим Тебе за вся, яже воздала еси нам, грешным и недостойным, прежде, неже на свет произыдохом, за вся, яже воздаеши коемуждо от нас по вся дни и яже уготовала еси всем нам в веце грядущем? Подобаше убо за толикия благодеяния и щедроты благодарити Тя не словесы точию, но паче делы, хранящее и исполняющее Заповеди Твоя; мы же, страстем нашим и злым обычаем внемше, в безчисленныя от юности низвергохомся грехи и беззакония. Сего ради, яко нечистым и оскверненным, не точию пред Трисветлое лице Твое безстудно явитися, но ниже имене Твоего Пресвятаго изрещи довлеяше нам, аще бы не Ты Сама благоизволила во отраду нашу возвести, яко, чистыя и праведныя любящи, и грешники кающияся милуеши и благоутробне приемлеши. Призри убо, о Пребожественныя Троице, с высоты святыя славы Твоея на нас, многогрешных, и благое произволение наше вместо благих дел приими, и подождь нам духа истиннаго покаяния, да возненавидевшее всякий грех, в чистоте и правде до конца дней наших поживем, творящее Пресвятую волю Твою и славящее чистыми помыслы и благими деяньями Сладчайшее и Великолепое имя Твое. Аминь.
*
Молитва Пресвятой Богородице перед иконой «Прибавление ума»
*
Царице моя Преблагая, Надеждо моя Пресвятая, Приятелище сирым и странным Заступнице, бедствующих Помоще и озлобляемых Покрове, зриши мою напасть, зриши мою скорбь, отовсюду искушением одержим есмь, а заступающего несть. Ты убо Сама помози ми яко немощну, окорми мя яко странна, настави яко заблудша, уврачуй и спаси яко безнадежна. Не имамы иныя помощи, не имамы иныя надежды, разве Тебе, Владычице. Ты нам помози, на Тебе надеемся и Тобою хвалимся, Твои бо есмы раби, да не постыдимся. Под Твою милость прибегаем, Богородице Дево, молений наших не призри в скорбех, но от бед избави нас, Едина Чистая и Благословенная. Аминь.
*
Молитва Архангелу Михаилу, Архистратигу Божьему
*
О святый Михаиле Архангеле, светлообразные и грозный Небеснаго Царя воеводо! Прежде Страшнаго Суда ослаби ми покаятися от грехов моих, от сети ловящих избави душу мою и приведи ю к сотворившему ю Богу, седящему на Херувимех, и молися о ней прилежно, да твоим ходатайством послет ю в место покойное.
О грозный воеводо небесных сил, предстателю всех у Престола Владыки Христа, хранителю твердый всем человеком и мудрый оружниче, крепкий воеводо Небеснаго Царя! Помилуй мя, грешнаго, требующаго твоего заступления, сохрани мя от всех видимых и невидимых враг, паче же подкрепи от ужаса смертнаго и от смущения диавольскаго, и сподоби мя непостыдно предстати Создателю нашему в час Страшнаго и Праведнаго Суда Его. О святый великий Михаиле Архистратиже! Не презри мене, грешнаго, молящагося тебе о помощи и заступлении твоем в веце сем и будущем, но сподоби мя тамо купнос тобою славити Отца и Сына и Святаго Духа во веки веков. Аминь.
*
Молитва первоверховным апостолам Петру и Павлу
*
О, верховнии апостоле: Петре, веры Христовой твердый изобразителю, и Павле, сладковещательная ластовица учения Господня! Зрим вас, аки многотекущую реку сказаний Христовых словес, истекающую от истинных недр Божиих и всю глубину кладезя истин богооткровенных пред нами, жаждущими их, открывающую. Зрим вас, аки светила, с небесе токи теплоты любве Божественныя нам уясняющия: ублажаем вас, приемших труды и поты, во еже всеяти учений Божественных семена: целуем стопы ваша, обтекавшия вся концы земли, и в трепете греховнем зрим главы ваша, смиренно преклоненныя к Пречистым стопам Господним: единаго крестным путем (повешением) и другаго мечным усечением. Умильно просим вас, святи апостоли, сотворите и нас в буести греховней преклоненными пред Учителем нашим Господом, сотворите гордости нашей главы усекновение учением Богооткровенным: глад душевный наш да умолит Господь брашном, указуемым с самого неба, якоже Петру: ты же, Павле, Богонасыщенный Христовых словес, потщися и нас до третьего небесе возвести твоими непрестанными о нас ко Господу молитвами, да и мы тамо прославим с лики ангельскими и апостольскими дивного во святых своих Отца всяческих и Его же послал в мир спасаяй и наставляяй к жизни вечной, Господа Иисуса Христа, и Единосущнаго Им Святого Духа. Аминь.
